Reagon përsëri Kryeministri, por s'thotë asgjë të re! Viziton kioskën e djegur nga protestuesit: Do t’i përballojmë së bashku pasojat

Gjatë reagimit të tij nga vendngjarja, kreu i qeverisë nuk tha asgjë të re por problemet e ngritura nga studentët dhe kërkesat e tyre, por theksoi se pas çdo biznesi të vogël qëndrojnë vite punë, sakrifica dhe përpjekje për të siguruar jetesën. Ai u shpreh se personat që kanë humbur investimet e tyre nuk duhet të ndihen të braktisur dhe se do të ketë solidaritet për të përballuar situatën pas përfundimit të trazirave.

Rama e lidhi situatën aktuale me përvojën e rindërtimit pas tërmetit, duke kujtuar se bashkëpunimi bëri të mundur kapërcimin e pasojave të rënda. Sipas tij, edhe dëmet e shkaktuara nga protestat duhet të përballohen përmes solidaritetit dhe angazhimit të përbashkët.

Gjithashtu, Kryeministri kundërshtoi pretendimin se veprimet e dhunshme në rrugët e Tiranës përfaqësojnë lëvizjen studentore. Ai deklaroi se shkatërrimi i bizneseve, dëmtimi i pronës publike dhe përplasjet me policinë nuk lidhen me kërkesat e të rinjve për përmirësimin e kushteve të tyre. Gjatë fjalës së tij, ndër tëtjera, Rama akuzoi opozitën se po e shfrytëzon situatën për qëllime politike. Ai ngriti gjithashtu pretendimin se pas tensioneve qëndrojnë interesa të tjera, përfshirë aktorë të jashtëm që, sipas tij, nuk e mbështesin rrugëtimin europian të Shqipërisë[email protected]