Rama vijon me ftesën për dialog, zëvendëson karriget e përmbysura me blloqe guri

Pas dy ditësh radhazi, gjatë të cilave studentët përmbysën karriget e vendosura para Kryeministrisë nga Kryeministri Edi Rama si ftesë për dialog, sot ai i ka zëvendësuar ato me blloqe gurit.

Zhvillimi vjen në ditën e dhjetë të protestave kundër qeverisë, ndërsa studentët, gjimnazistët dhe pedagogët vijojnë të kërkojnë dorëheqjen e kryeministrit.

Një ditë më parë, protestuesit u mblodhën përpara Kryeministrisë, ku refuzuan sërish ftesën e Ramës për dialog. Ata thyen karriget e vendosura përpara godinës dhe i hodhën drejt hyrjes së saj, duke përsëritur se nuk pranojnë të negociojnë me kreun e qeverisë.

Tashmë, mbetet për t’u parë se cili do të jetë reagimi i studentëve ndaj këtij veprimi dhe nëse do të vijojnë të kundërshtojnë ftesën e Ramës për dialog.