Në ditën e 13-të, me flamuj dhe thirrje kundër Ramës/ Pas grumbullimit te Ministria e Arsimit, protestuesit nisen drejt Kryeministrisë: Polici e krimit!

Studentë, të rinj dhe qytetarë janë larguar nga ambientet përpara Ministrisë së Arsimit, duke vijuar protestën në drejtim të godinës së qeverisë, ku pritet të përqendrohet tubimi.

Marshimi vjen pas momenteve të tensionit të regjistruara përpara Ministrisë së Arsimit, ku disa protestues hodhën gurë në drejtim të godinës.

Kërkesa kryesore e studentëve dhe të rinjve mbetet dorëheqja e kryeministrit Edi Rama, ndërsa protestat vijojnë prej gati dy javësh në kryeqytet.