"Reuters":Revolta e studentëve rritet, Rama refuzon dorëheqjen: Qeveritë ndryshojnë përmes zgjedhjeve

Në një përgjigje me shkrim për agjencinë Reuters, Rama theksoi se ndryshimi i qeverisë duhet të bëhet përmes zgjedhjeve demokratike, duke rikujtuar se shqiptarët votuan vitin e kaluar. Ai u shpreh i gatshëm të dëgjojë shqetësimet e studentëve dhe të diskutojë rritjen e kostove të arsimit, por dënoi dhunën dhe dëmtimin e institucioneve e pronës publike.

Protestuesit kërkojnë dorëheqjen e kryeministrit, duke ngritur shqetësime për korrupsionin, kushtet në universitete, kostot e larta të arsimit, mungesën e mbështetjes financiare dhe perspektivat e kufizuara të punësimit pas diplomimit.

Përshkallëzimi i protestave është shoqëruar me përplasje mes demonstruesve dhe policisë, e cila ka përdorur gaz lotsjellës dhe ujë me presion për shpërndarjen e turmave. Dëmtimet e pronës publike dhe private kanë detyruar gjithashtu anulimin e seancës parlamentare.

Pakënaqësitë lidhen edhe me kundërshtimin ndaj një projekti për ndërtimin e një resorti luksoz në bregdetin jugor të Shqipërisë, të mbështetur nga Jared Kushner, dhëndri i presidentit amerikan Donald Trump. Projekti, i cili është përballur me sfida ligjore, ka nxitur prej muajsh protesta kryesisht paqësore.

Rama e ka cilësuar integrimin në Bashkimin Evropian si një nga prioritetet kryesore të qeverisë, duke argumentuar se mandati i marrë në zgjedhjet e vitit të kaluar i jep përgjegjësinë për të çuar përpara negociatat e anëtarësimit. Ai paralajmëroi se nuk do të lejojë që dhuna të pengojë perspektivën evropiane të vendit.

Qeveria nuk ka ndërmend të tërhiqet përballë kërkesave për dorëheqje, ndërsa protestat po shndërrohen në një sfidë të rëndësishme politike për mandatin e katërt të Ramës. Përplasja mes kërkesave të studentëve për ndryshim dhe qëndrimit të kryeministrit për vazhdimin e mandatit e vendos në qendër të zhvillimeve çështjen e përgjegjshmërisë politike, korrupsionit dhe reformimit të [email protected]