Vllaznia fiton klasiken, Tirana mposhtet 2-0 në Shkodër

Vllaznia ka fituar klasiken e futbollit shqiptar, duke mposhtur Tiranën me rezultatin 2-0 në stadiumin “Loro Boriçi”, në ndeshjen e javës së tetë të Abissnet Superiore.

Shkodranët kaluan në avantazh në minutën e 38-të. Pas një depërtimi në zonë dhe asistit të Patrik Bardhit, Edon Murataj realizoi një gol spektakolar me thembër, duke i dhënë epërsinë skuadrës vendase.

Në minutën e 68-të, Vllaznia dyfishoi shifrat. Pas një kombinimi me Muratajn, Adnard Mehmeti dërgoi topin në rrjetë, duke vulosur fitoren e kuqebluve.

Tirana nuk arriti të reagojë dhe u largua pa pikë nga Shkodra.

Me këtë sukses, Vllaznia regjistron fitoren e dytë në këtë sezon të kampionatit dhe merr tri pikë të rëndësishme për vazhdimin e garës.@Cogito