Inter përmbys Fiorentinën në shtesë, Zielinski vendos fitoren në minutën e 98-të

Interi ka marrë një fitore dramatike ndaj Fiorentinës, duke triumfuar 2-1 në javën e tetë të Serie A. Skuadra e Cristian Chivu siguroi tri pikët në minutat shtesë, pas një ndeshjeje ku miqtë ishin shumë pranë një rezultati pozitiv.

Fiorentina kaloi në avantazh në minutën e 65-të. Alejandro Jimenez realizoi një gol të bukur, duke befasuar vendasit dhe duke rritur shpresat e skuadrës nga Firence për të marrë pikë në “San Siro”.

Interi reagoi në fund të takimit. Marcus Thuram barazoi rezultatin në minutën e 90-të, duke rikthyer besimin te vendasit.

Drama kulmoi në minutat shtesë. Thuram fitoi një penallti, të cilën Piotr Zielinski e shndërroi në gol në minutën e 98-të, duke përmbysur rezultatin dhe duke shpërthyer festën në stadium.

Kjo fitore i jep Interit tri pikë me rëndësi në garën për titullin. Zikaltërit ngjiten në kuotën e 22 pikëve dhe barazohen me Lazion në krye të renditjes.

Për Fiorentinën, humbja është veçanërisht e dhimbshme, pasi skuadra ishte vetëm pak minuta larg një rezultati pozitiv në transfertë./Cogito/

Shiko golat https://topbin.app/highlights/inter-vs-fiorentina-2026-10-25