Kryepolici Hita: Protesta nuk u organizua nga studentët, Policia ka dokumentuar aktet e dhunës

Sipas Hitës, Policia ka bashkëpunuar që në fazat e para me Prokurorinë e Tiranës për identifikimin e personave të përfshirë në incidentet e regjistruara gjatë protestës. Ai bëri të ditur se janë siguruar pamje filmike që dokumentojnë dëmtimet e shkaktuara në institucione dhe biznese, si dhe veprimet e personave të kapur gjatë kryerjes së akteve të paligjshme.

Drejtori i Policisë së Shtetit raportoi gjithashtu se numri i efektivëve të plagosur ka kaluar 71. Ai mbrojti mënyrën e ndërhyrjes së forcave të rendit, duke deklaruar se përdorimi i forcës ishte në përputhje me ligjin dhe procedurat standarde të policisë.

Hita e cilësoi situatën si një përshkallëzim të rëndë të dhunës, e cila, sipas tij, nuk u kufizua vetëm në një zonë të kryeqytetit. Në këtë kontekst, ai u bëri thirrje qytetarëve dhe veçanërisht studentëve të distancohen nga aktet e dhunshme.

Kreu i Policisë paralajmëroi se, nëse incidentet vijojnë, institucionet e rendit do të ndërhyjnë në zbatim të ligjit dhe do të ndjekin procedurat përkatëse ndaj personave përgjegjë[email protected]