Përfundon protesta kundër muzeut hebraik në Vlorë, nis largimi i protestuesve

Protestuesit tentuan të çajnë rrethimin dhe të futen brenda tij, por nuk u lejuan nga forcat e policisë.

Një nga organizatorët e protestës kundër projektit të muzeut hebraik në Vlorë Gëzim Zilja tha se gjykata në Lushnje pezulloi punimet, por sqaron se protestat do të vijojnë pasi kërkohet anulimi në total i këtij projekti. Sipas tij protestat do të vazhdojnë derisa projekti të anulohet.

Avokati përfaqësues i grupit organizator të protestës kundër muzeut hebraik, Ilir Zoto, sqaron vendimin e gjykatës administrative të shkallës së parë në Lushnje për pezullimin e punimeve. Zoto tregon dhe çfarë ndodhi brenda sallës se ku u zhvillua seanca.

Sipas tij betejat ligjore do të vazhdojnë së bashku me protestat deri në anulimin e këtij projekti Avokati kërkon më tepër transparencë në lidhje me projektet që zhvillohen në qytet dhe mos të prekin tjetërsojnë pjesën e historisë siç është edhe muzeu hebraik.