Harry Kane fiton Topin e Artë 2026, anglezi shpallet futbollisti më i mirë në botë

Futbollisti 33-vjeçar triumfoi në ceremoninë e zhvilluar në Londër, duke u bërë anglezi i parë që fiton çmimin më prestigjioz individual të futbollit që prej Michael Owen në vitin 2001.

Kane la pas konkurrencën e Lamine Yamal, Kylian Mbappé dhe Lionel Messi, duke kurorëzuar një sezon të jashtëzakonshëm në nivel individual.

Sulmuesi anglez realizoi 73 gola në 65 paraqitje me klubin dhe kombëtaren gjatë sezonit të fundit. Me Bayern Munich, ai ndihmoi skuadrën të mbronte titullin në Bundesligë, ndërsa me kombëtaren angleze kontribuoi në arritjen e vendit të tretë në Kupën e Botës 2026.

Një tjetër arritje e rëndësishme e Kane ishte thyerja e rekordit për shpejtësinë me të cilën një futbollist arrin kuotën e 100 golave në Bundesligë.

Ky triumf shënon një moment të veçantë në karrierën e sulmuesit, i cili pas largimit nga Tottenham Hotspur dhe transferimit te Bayern Munich, tashmë fiton edhe çmimin individual më të rëndësishëm të futbollit botëror.

Ceremonia e këtij viti u zhvillua në London Palladium, në kryeqytetin anglez, në edicionin e 70-të të Topit të Artë.