Juventus në krizë të thellë, Genoa e ndëshkon 2-0

Genoa kaloi në avantazh në minutën e 12-të. Nga një aksion i zhvilluar në krahun e majtë, Ehizibue u shfaq në shtyllën e dytë dhe dërgoi topin në rrjetë. Në minutën e 29-të erdhi edhe goli i dytë, pas një gabimi të rëndë të Pierre Kalulu, i cili humbi topin si lojtari i fundit në mbrojtje. Vitinha përfitoi, avancoi drejt zonës dhe aksioni përfundoi me Tommaso Baldanzin, që shënoi për vendasit.

Genoa pati mundësi të tjera për të rrezikuar, me Osmajlin dhe Frendrup që provuan drejt portës, por pa e ndryshuar rezultatin para pushimit. Në pjesën e dytë, Juventus kërkoi të rikthehej në lojë. Bremer iu afrua golit me një goditje me kokë pas një këndoreje, ndërsa tentativa e Edon Zhegrovës nga jashtë zonës u ndal nga portieri Justin Bijlow.

Në minutën e 93-të, Koopmeiners pati rastin e fundit të rëndësishëm për Juventusin. Goditja e tij e fuqishme nga goditja e dënimit u përplas në traversë, me topin që u ndal pranë vijës së portës përpara se të dilte jashtë.

Genoa ruajti avantazhin deri në fund, ndërsa Juventusi u largua nga Marassi pa arritur të shënonte. Dy golat e pjesës së parë dhe traversa në fund përmblodhën një mbrëmje të vështirë për skuadrën torineze. /Cogito/

Shiko golat: https://topbin.app/highlights/genoa-vs-juventus-2026-10-28