Ermonela Jaho u del krah të rinjve: Mos e shtyni vendin tonë drejt luftës civile. Fëmijët tanë meritojnë të rriten pa frikë

Përmes një mesazhi publik, Jaho u ka bërë apel shqiptarëve që të mos lejojnë që përplasjet dhe ndasitë të kthehen në armiqësi mes tyre. Ajo thekson se jeta dhe dinjiteti njerëzor duhet të jenë mbi çdo bindje apo interes, ndërsa nënvizon se fëmijët meritojnë të rriten në një Shqipëri ku mospajtimi nuk shndërrohet në konflikt.

“Stop vëllavrasjes. Jemi të gjithë bij nënash. Secili prej nesh ka qenë një foshnjë në krahët e dikujt, një shpresë, një lutje. Përpara çdo bindjeje e çdo ndarjeje, jemi njerëz. Ta kujtojmë këtë kur shohim njëri-tjetrin në sy.

Asnjë zemërim, asnjë interes nuk vlen më shumë se jeta dhe dinjiteti njerëzor. Ndaleni dhunën. Mos e shtyni vendin tonë drejt luftës civile.

Fëmijët tanë meritojnë të rriten pa frikë, në një Shqipëri ku mospajtimi nuk na bën armiq”, shkruan Ermonela Jaho.