Studentët protestë në orën 12:00 / Rama përsërit ftesën për dialog (VIDEO)

Sot shënohet dita e 19-të e protestave, me kërkesën për dorëheqjen e kryeministrit Edi Rama.

Në orën 12:00, studentët do të zhvillojnë një protestë kombëtare para Ministrisë së Arsimit. Në mbështetje të tyre pritet të dalin edhe pedagogët, të cilët kanë njoftuar pjesëmarrjen në tubim.

Protesta vjen në vijim të kundërshtimit të studentëve ndaj qeverisë dhe kërkesave të tyre për ndryshim.

Ndërkohë, kryeministri Edi Rama ka përsëritur ftesën për dialog drejtuar studentëve. Ashtu si në rastet e mëparshme, ai ka vendosur ftesat për bisedime mbi një tryezë mermeri, duke e paraqitur këtë si një mundësi tjetër për nisjen e dialogut me të rinjtë./Cogito/