Kryebashkiaku i Tiranës, Erion Veliaj, transferohet në institucionin e paraburgimit në Fier

Kryetari i Bashkisë së Tiranë, Erion Veliaj, është transferuar nga paraburgimi i Durrësit në institucionin e paraburgimit në Fier.

Zyrtarisht nuk janë bërë të ditura arsyet e këtij transferimi dhe procedurën e ndjekur për zhvendosjen e tij nga paraburgimi i Durrësit në Fier.

Veliaj ndodhej në paraburgimin e Durrësit që prej shkurtit të vitit 2025. Ndaj tij vijon procesi gjyqësor për çështjen e hetuar nga Prokuroria e Posaçme kundër Korrupsionit dhe Krimit të Organizuar (SPAK).

Veliaj përballet me 13 akuza penale të ngritura nga SPAK.