Latest · Pinned post
Vijojnë përplasjet dhe tensionet në sallën e seancave plenare të Kuvendit. Deputetët e opozitës po debatojnë ashpër me përfaqësuesit e mazhorancës.
Vijojnë përplasjet dhe tensionet në sallën e seancave plenare të Kuvendit. Deputetët e opozitës po debatojnë ashpër me përfaqësuesit e mazhorancës.
Në debat janë përfshirë deputetët demokratë Flamur Noka dhe Luçiano Boçi, si dhe deputeti socialist Bledi Çuçi.
Peleshi-Leskajt: Bujar thuaju shokëve të qetësohen, se unë detyrën po bëj, po votoj në Kuvendin e Shqipërisë.
Sakaq opozita iu bie tavolinave duke bërtitur: Ju erdhi fundi!
Debate, tensione e përplasje verbale mes deputetëve në Kuvend.
Debate, tensione e përplasje verbale mes deputetëve në Kuvend.
Flamur Noka i ka hequr mikrofonin kreut të Grupit parlamentar të PS, Taulant Balla ndërsa ishte duke komunikuar.
Pas këtij veprimi, Niko Peleshi ka njoftuar dhe ndërprerjen e seancës.
Belind Këlliçi në fjalën e tij në Kuvend u shpreh Grupi Parlamentar i PD mbështet protestën dhe dënon dhunën shtazarake ndaj të rinjve.
Belind Këlliçi në fjalën e tij në Kuvend u shpreh Grupi Parlamentar i PD mbështet protestën dhe dënon dhunën shtazarake ndaj të rinjve.
“Sot është dita e 10 që Shqipëria po përjeton lëvizjen më të fuqishme studentore. Shteti është kapur nga pushteti absolut i Ramës. Kjo lëvizje është revolte ndaj modelit të krijuar nga Rama që po e largon Shqipërinë nga e ardhmja europiane. Grupi parlamentar i PD do mbetet në krah të studentëve dhe çdo qytetari që proteston për dinjitet. Dënojmë dhunën shtazareka studentëve, reprezaljet që u bëhen të rinjve dhe të rejave dhe shantazhin që kryeministri deligjitimuar ka kryer çdo ditë”, tha ai.
Deputetët hyjnë dhe dalin nga Parlamenti me automjetet e tyre, ndërsa jashtë Kuvendit pritet të mbahet protesta e studentëve, të mbështetur nga pedagogë dhe qytetarë. Deri më tani askush prej tyre nuk ka preferuar të ecë në këmbë, nga frika e përballjes me studentët protestues.
Deputetët hyjnë dhe dalin nga Parlamenti me automjetet e tyre, ndërsa jashtë Kuvendit pritet të mbahet protesta e studentëve, të mbështetur nga pedagogë dhe qytetarë. Deri më tani askush prej tyre nuk ka preferuar të ecë në këmbë, nga frika e përballjes me studentët protestues.
Ndërkohë, policia ka marrë një sërë masash sigurie, duke vendosur gardh metalik përgjatë gjithë perimetrit të Kuvendit.
Kujtojmë se sot është dita e 10 e protestës së studentëve, ndërkohë që aksionit të tyre iu janë bashkuar dhe pedagogët. Ndërkohë në seancë plenare parashikohen të diskutohen 7 pr.ligje dhe 1 interpelancë, ajo me ministrin e Brendshëm, Ervin Demo sa i takon protestave të studentëve, të cilët kanë rënë shpesh herë pre e dhunës policore.
Ka nisur seanca plenare në Kuvendin e Shqipërisë.
Në rend dite është interpelanca me tre ministra, shqyrtimin e disa projektligjeve dhe ngritjen e Komisionit të Posaçëm Parlamentar për fazën e dytë të Reformës Administrativo-Territoriale.
Gjithashtu është parashikuar një interpelancë urgjente me ministrin e Punëve të Brendshme, Ervin Demo, kërkuar nga një grup deputetësh të Partisë Demokratike.
Po ashtu, do të zhvillohen dy interpelanca me ministrin e Infrastrukturës dhe Energjisë, Enea Karakaçi, të kërkuara nga deputetët Ermal Pacaj dhe Tedi Blushi, si dhe një interpelancë me ministrin e Financave, Petrit Malaj, e kërkuar nga deputeti Tedi Blushi.
Gjatë seancës pritet të shqyrtohen disa projektligje, mes të cilave ratifikimi i Konventës së Këshillit të Evropës për Mbrojtjen e Profesionit të Avokatit, marrëveshja me Maqedoninë e Veriut për ngritjen e pikave të përbashkëta të kalimit kufitar dhe kryerjen e kontrolleve të përbashkëta, si dhe ndryshimet në ligjin për shërbimet e pagesave.
Në rendin e ditës janë përfshirë gjithashtu projektligji për parandalimin e pastrimit të parave dhe financimit të terrorizmit, ndryshimet në ligjin për të drejtat e autorit dhe të drejtat e tjera të lidhura me to, si dhe projektligji për treguesit gjeografikë për produktet artizanale dhe industriale.
Deputetët do të shqyrtojnë edhe projektvendimin për ngritjen e Komisionit të Posaçëm Parlamentar për fazën e dytë të Reformës Administrativo-Territoriale në Republikën e Shqipërisë.
Comments
Loading comments…