Sekretariati për Etikën pranon kërkesën e PS-së / Përjashtohen 60 ditë nga Kuvendi 6 deputetët e PD-së

Sekretariati për Procedurat, Votimet dhe Etikën i Kuvendit ka pranuar kërkesën e Partisë Socialsite dhe ka përjashtuar me 60 ditë deputetët Flamur Noka, Belind Këlliçi, Fidel Kreka, Edi Paloka, Besart Xhaferri dhe Luçiano Boçi, shkruan Cogito.

Ndërsa për 14 deputetët e tjerë demokratë që bllokuan foltoren e Kuvendit, Sekretariati rrëzoi kërkesën e PS për përjashtimin e tyre me 10 ditë.

Sekretariati i Etikës në Kuvend u mblodh sot online për të shqyrtuar kërkesën e deputetëve të Partisë Socialiste, por demokratët nuk janë bërë pjesë e mbledhjes së zhvilluar online.

Partia Socialiste kërkoi përjashtimin e 20 deputetëve të opozitës pas përplasjeve në seancën e djeshme plenare, shkruan Cogito.