VIDEO - DEMASKIMI!/ “Më akuzoi për shitje droge, unë jam me mesatare 10!”. Studenti: Përpjekjet e fundit të diktatorit!

Në një deklaratë për mediat, një mjek në mbështetje të studentëve, u shpreh se brezi i tij duhet t’u kërkojë ndjesë të rinjve për situatën e krijuar, ndërsa vlerësoi qëndrimin e tyre përballë politikës.

Ai u ndal edhe te dhuna gjatë protestave, duke theksuar se studentët nuk duhet të goditen dhe se mjekët nuk dëshirojnë të përballen me pasoja të tilla, as te protestuesit dhe as te punonjësit e policisë.

“Ne do të ecim në hapat e studentëve. Gjenerata ime duhet t’i kërkojë ndjesë këtyre të rinjve për shkak të politikës së vjetër. Kjo rini i jep leksione gjithë politikës. Politika e vjetër ka ardhur koha t’i lërë terren rinisë. Sindikata e Punonjësve të Shërbimit Shëndetësor, përfshin të gjithë punonjësit. Çelësi I suksesit është të bëhen të ndërgjegjshëm të gjitha palët. Studentët nuk duhet të goditen ne nuk do donin të ngjisnim kockat e shqiptarëve përfshirë edhe policisë. Është koha e rinisë për të udhëhequr këtë vend”, tha mjeku në një deklaratë për mediat.

Pedagogu dhe ish-deputeti Aleksandër Biberaj ka reaguar nga protesta e studentëve dhe pedagogëve për lëvizjet e fundit në administratën shtetërore, duke deklaruar se shkarkimet dhe dorëheqjet e drejtuesve të institucioneve nuk janë zgjidhja që kërkojnë qytetarët.

Biberaj tha se është informuar për dorëheqjen e shumë drejtuesve, por theksoi se kërkesa kryesore e protestuesve mbetet largimi i kryeministrit Edi Rama nga pushteti. Sipas tij, lëvizjet në administratë tregojnë mungesën e meritokracisë dhe varësinë e drejtuesve të institucioneve nga kryeministri. Ai kritikoi faktin që, sipas tij, drejtorët largohen nga detyra me urdhër të kreut të qeverisë, duke i cilësuar ata si “ushtarët e tij”.

Ish-deputeti u shpreh se nuk do të habitej nëse Rama do të vendoste të shkarkonte edhe ministrat e kabinetit, por nënvizoi se as një veprim i tillë nuk do t’i përgjigjej kërkesës së protestuesve për dorëheqjen e kryeministrit.

“Jam njoftuar se shumë drejtues kanë dhënë dorëheqjen. Por shqiptarët kanë kërkuar dorëheqjen e Ramës, jo të drejtuesve. Kjo është lëvizje pa lidhje që ai bën. Kjo tregon se nuk kemi meritokraci. Nuk ndodh kjo në vende të ndryshme të botës, që të japë urdhër kryeministri dhe të ikin drejtorët, vetëm kur janë ushtarët e tij. Nuk do të habitesha nëse do të shkarkonte edhe ministrat e tij, por kërkesa e shqiptarëve është dorëheqja e Ramës”, deklaroi Biberaj.

Mjekë, stomatologë, farmacistë dhe punonjës të tjerë të shëndetësisë i janë bashkuar protestës së studentëve, duke dalë me një deklaratë të përbashkët përmes së cilës kërkojnë dorëheqjen e kryeministrit Edi Rama dhe krijimin e një qeverie tranzitore.

Në deklaratën e tyre, profesionistët e shëndetësisë theksojnë se nuk mund të qëndrojnë të heshtur përballë situatës së krijuar, ndërsa e cilësojnë arsimin cilësor dhe të drejtën e të rinjve për të ndërtuar të ardhmen në vend si çështje që i përkasin gjithë shoqërisë.

Ata kërkojnë që kryeministri Edi Rama të marrë përgjegjësi politike për krizën dhe përshkallëzimin e saj, si dhe të krijohen kushtet për një dalje paqësore nga situata.

Në përfundim, mjekët dhe punonjësit e tjerë të shëndetësisë e cilësojnë të papranueshme lënien pa ndihmë të personave të lënduar dhe kërkojnë një hetim të shpejtë për rastet e denoncuara.

“Ne, nënshkruesit e kësaj deklarate, mjekë, stomatologë, farmacistë dhe punonjës të tjerë, i bashkohemi protestës së studentëve. Misioni ynë për të mbrojtur jetën e qytetarëve na ngarkon me detyrën për të mbrojtur jetën. Nuk mund të qëndrojmë të heshtur.

Arsimi cilësor dhe e drejta për të ndërtuar të ardhmen në vendin e tyre janë çështje që na përkasin të gjithëve.

Ndaj, ky grupim kërkon dorëheqjen e kryeministrit Edi Rama, si akt të marrjes së përgjegjësisë politike për krizën dhe përshkallëzimin e saj, si dhe krijimin, në përputhje me Kushtetutën, të një qeverie tranzitore që të mundësojë daljen paqësore nga kjo situatë dhe respektimin e funksionimin e institucioneve.

Dënojmë dhunën e ushtruar ndaj studentëve dhe ndaj atyre që janë angazhuar për të dhënë ndihmën e parë. Studentët vullnetarë dhe personeli shëndetësor që ofrojnë ndihmë kërkojnë të mbrohen.

Punonjësit e policisë duhet të garantojnë jetën e qytetarëve, si edhe paprekshmërinë e pronës private. Duhet të mbrohen edhe banorët dhe kalimtarët. Përdorimi i gazit në sasi të mëdha dëmton edhe banorët dhe mund të ekspozojë qytetarë të çdo moshe.

Si profesionistë të shëndetësisë, e konsiderojmë të papranueshme lënien pa ndihmë të personave të lënduar. Kërkojmë hetim të shpejtë.”

Ka nisur protesta e studentëve para Kryeministrisë, ku të rinj nga Fakulteti i Mjekësisë, Infermierisë dhe degë të tjera universitare, të mbështetur nga pedagogë dhe mjekë, janë grumbulluar për të kërkuar dorëheqjen e kryeministrit Edi Rama. Pas marshimit në rrugët e kryeqytetit, protestuesit janë stacionuar përpara godinës së Kryeministrisë, ku po lëshojnë thirrje kundër qeverisë dhe klasës politike.

“Dorëheqje!”, “Rama në burg, Berisha në burg!” janë disa prej thirrjeve që dëgjohen nga studentët dhe qytetarët e mbledhur në protestë.

Pjesëmarrja e studentëve të Mjekësisë dhe Infermierisë, së bashku me pedagogët dhe mjekët, shënon një tjetër zhvillim në protestat antiqeveritare që po vijojnë prej ditësh në Tiranë. Protestuesit kërkojnë largimin e kryeministrit Rama, ndërsa përmes thirrjeve të tyre shprehin kundërshtimin edhe ndaj kreut të Partisë Demokratike, Sali Berisha.

Tubimi po zhvillohet përpara Kryeministrisë, ku studentët, pedagogët dhe mjekët vijojnë të qëndrojnë të bashkuar, duke kërkuar ndryshime politike dhe institucionale në vend.

Mjekët dhe studentët e Mjekësisë janë bashkuar në një marshim drejt Kryeministrisë, duke dalë në rrugë me thirrje kundër kryeministrit Edi Rama dhe qeverisë. Protestuesit kërkojnë dorëheqjen e Ramës dhe largimin e kabinetit të drejtuar prej tij.

Marshimi vjen në kuadër të protestave që po zhvillohen në Tiranë, ku të rinjtë dhe qytetarët po shprehin pakënaqësitë e tyre dhe po kërkojnë ndryshime. Me thirrjet e tyre, protestuesit kanë drejtuar mesazhe kundër qeverisë.

Pjesëmarrja e mjekëve dhe studentëve të Mjekësisë i shtohet zërave që po kërkojnë të dëgjohen nga institucionet, në një klimë protestash dhe tensionesh politike.

Gjatë fjalës së tij, kreu i Sindikatës së Punonjësve të Universiteteve, Sandër Kovaçi, u shpreh se pedagogët janë në krah të studentëve dhe kërkoi bashkëpunim më të madh për kauzën e tyre.

“Është një ndërgjegjësim ndërkombëtar që ndodh me intelektualët e Shqipërisë. Duhet të jemi më të bashkëpunuar për këtë kauzë kaq të fortë”, u shpreh ai.

Më tej, Kovaçi theksoi se sindikata është e përqendruar te studentët dhe kërkoi t’i jepet fund asaj që ai e cilësoi si diktat në universitete.

“Ne jemi sindikata e universiteteve, jemi të përqendruar te studentët dhe jemi këtu. Të marrë fund diktati në universitete. Ku janë studentët, është profesorati”, deklaroi Sandër Kovaçi.

Studentët e Universitetit të Korçës janë mbledhur në ambientet e universitetit, ku përmes pankartave dhe thirrjeve kanë shprehur solidaritetin me protestën studentore.

Të rinjtë kanë përcjellë mesazhet e tyre përmes sloganeve “Solidarizohemi me studentët”, “Duam një të ardhme më të sigurt” dhe “Studentët bashkohen, shteti rrëzohet”.

Me pankarta në duar, studentët korçarë kanë shprehur mbështetjen për bashkëmoshatarët e tyre, duke kërkuar një të ardhme më të sigurt dhe duke bërë thirrje për solidaritet mes studentëve.

Në disa prej pankartave shkruhet “Bursat nuk janë mjete politike”, “Duam diplomë për të qëndruar jo biletë për t’u larguar”.

Studentët e mjekësisë kanë nisur marshimin drejt Kryeministrisë në mbështetje të protestës.

Kjo lëvizje e tyre vjen pas protestave që mbahen prej 11 ditësh në Tiranë. Studentët kërkojnë dorëheqjen e Ramës.

Marshimi i tyre vijon me thirrjet “studentët e bashkuar kanë për të fituar.