VIDEO - Protesta zhvendoset para Kryeministrisë, studentë, të rinj dhe pedagogë kërkojnë largimin e Ramës

Të rinjtë pritet që të marshojnë më pas drejt godinës së Kryeministrisë, për të kërkuar dorëheqjen e kryeministrit Edi Rama.

Studentët vijojnë revoltën prej javësh, ndërsa shprehen të vendosur se nuk do të tërhiqen deri në largimin e kryeministrit Edi Rama.

Ky i fundit ka bërë thirrje për dialog, por ata argumentojnë se kërkesa e tyre mbetet e panegociueshme.

Studentët e Fakultetit të Mjekësisë janë mbledhur në ambientet pranë Qendrës Spitalore Universitare “Nënë Tereza” (QSUT), pas njoftimit të ministres së Arsimit, Mirela Kumbaro, për zhvillimin e një leksioni të hapur me ta.

Pavarësisht njoftimit të ministres, studentët janë mbledhur në pritje të saj, ndërsa Kumbaro ka refuzuar përballjen me ta. Leksioni i paralajmëruar nuk dihet nëse do të zhvillohet.

Paralelisht, përpara Ministrisë së Arsimit po mbahet protesta studentore, së cilës i janë bashkuar edhe pedagogë dhe qytetarë. Protestuesit kërkojnë në mënyrë të panegociueshme dorëheqjen e kryeministrit Edi Rama.