Protesta para Kryeministrisë/ Vijon dita e 166-të e tubimeve, studentët dhe qytetarët kërkojnë largimin e Edi Ramës

Revolta e protestuese kundër qeverisë ka vijuar edhe këtë të enjte, më 12 nëntor, duke shënuar ditën e 166-të të mobilizimit qytetar.

Studentë dhe qytetarë janë grumbulluar përpara Kryeministrisë, ku kanë vijuar tubimin me kërkesën për dorëheqjen e kryeministrit Edi Rama.

Protesta është pjesë e reagimeve të përditshme kundër qeverisë, të cilat prej muajsh vijojnë në kryeqytet.

Gjatë tubimit, studentët kanë rikonfirmuar qëndrimin e tyre kundër zhvillimit të një dialogu me kryeministrin. Ata kërkojnë largimin e tij të parevokueshëm nga detyra dhe e konsiderojnë këtë si kërkesën kryesore të protestës.

Kështu, edhe në ditën e 166-të, protestuesit vijojnë të mbajnë të njëjtin qëndrim, ndërsa tubimet kundër qeverisë vazhdojnë para selisë së ekzekutivit./Cogito/